ផ្លូវអភិវឌ្ឍន៍ក្រាលកៅស៊ូស្អាត ដែលធ្វើឲ្យយើងធ្វើដំណើរបានស្រួល មិនត្រូវការឲ្យកើតមានគ្រោះថ្នាក់ចរាចរណ៍ ដូច្នេះសូមបើកបរដោយគោរពនូវច្បាប់ចរាចរណ៍ ...........!

នៅថ្ងៃទី ០១ ខែ មករា ឆ្នាំ ២០១៩ វេលាម៉ោង ១៧ និង ០៥ នាទី នៅលើផ្លូវ អភិវឌ្ឍន៍ក្រាលកៅស៊ូគីឡូម៉ែត្រលេខ៣៨ ស្ថិតនៅភូមិឈេីខ្លឹម ឃុំរំចេក ស្រុកមេមត់ មានគ្រោះថ្នាក់ចរាចរណ៍មួយ​បានកើត​ឡើង​រវាងម៉ូតូ និងម៉ូតូ បង្ករឲ្យមានភាពភ្ញាក់ផ្អើរ ។

យោងតាមប្រភពកន្លែងកើតហេតុបានឲ្យដឹងថា ៖ ម៉ូតូម៉ាកវ៉េវឆ្លាម ពណ៌ក្រហម បើកបរពីលិចទៅកើត លុះមកដល់ចំណុចកើតហេតុ ខាងលើ ក៏ស្រាប់តែមានម៉ូតូម៉ាកវ៉េវអាល់ហ្វា ពណ៌ខៀវបេីកបរឆ្លងផ្លូវ ពីត្បូងទៅជើងដោយមិនមានការប្រុងប្រយ័ត្ន បណ្តាលឲ្យម៉ូតូម៉ាកវ៉េវឆ្លាមពណ៌ក្រហមបុកពេញទំហ៊ឹងតែម្តង ។

ព័ត៌មានដែលនគរបាលយើងបានចុះដល់កន្លែងកើតហេតុនោះបានឲ្យដឹងទៀតថា ៖ ម៉ូតូម៉ាកវ៉េវអាល់ហ្វា ពណ៌ខៀវ គ្មានស្លាកលេខបេីកបរដោយឈ្មោះ វិត អុីន ភេទ ប្រុស អាយុ៦៨ឆ្នាំ ជាតិខ្មែរ រស់នៅភូមិដូនរ័ត្ន ឃុំរូង ស្រុកមេមត់ (របួសធ្ងន់) ខេត្តត្បូងឃ្មុំ ។ ចំណែកឯម៉ូតូម៉ាកវ៉េវឆ្លាម ពណ៌ក្រហម គ្មានស្លាកលេខ បេីកបរដោយឈ្មោះ អាន សុខណាន ភេទប្រុស អាយុ ២៨ ឆ្នាំ ជាតិខ្មែរ រស់នៅភូមិក្ងោក ឃុំគគីរ ស្រុកមេមត់ ខេត្តត្បូងឃ្មុំ (របួសស្រាល)។​

បច្ចុប្បន្នម៉ូតូខូចខាតទាំងពីរគ្រឿង ត្រូវបាននគរបាលចរាចរណ៍បានបញ្ជូនមករក្សាទុកនៅអធិការដ្ឋាននគរបាលស្រុកមេមត់ ដេីម្បីបំពេញសំណុំរឿងតាមនីតិវិធី ។ ចំពោះអ្នករបួសទាំង ០២ នាក់ខាងលេី ត្រូវបានបញ្ជូនមកសង្គ្រោះនៅមន្ទីរពេទ្យបង្អែកស្រុកមេមត់ ៕

រូបភាព ៖ សូរិយា០៧
អត្ថបទ ៖ កូនដំរីស្រុក

• Tweet
• Share
• Share
• Share
• Share