តំណាងលោកវរសេនីយ៍ឯក ហុង គឹមហឿន និងសហការី បានចូលរួមបុណ្យទក្ខិណានុប្បទានគម្រប់ខួប៧ថ្ងៃ និងវិញ្ញាណក្ខ័ន្ធសពលោកអនុសេនីយ៍ទោ ស៊ាន សុខុម នាយរងប៉ុស្តិ៍ ...!

នៅថ្ងៃទី ៦ ខែមករា ឆ្នាំ២០១៩ លោកវរសេនីយ៍ទោ រ័ត្ន ចាន់សារ៉ាត អធិការរងទទួលផែនសេនាធិការ តំណាងលោកវរសេនីយ៍ឯក ហុង គឹមហឿន និងសហការី បានចូលរួមបុណ្យទក្ខិណានុប្បទានគម្រប់ខួប៧ថ្ងៃ និងវិញ្ញាណក្ខ័ន្ធសពលោកអនុសេនីយ៍ទោ ស៊ាន សុខុម អត្តលេខ: ៤៨៥៦០ ឋាន:នាយរងប៉ុស្តិ៍នគរបាលរដ្ឋបាលរូង អធិការដ្ឋាននគរបាលស្រុកមេមត់ នៃស្នងការដ្ឋាននគរបាលខេត្តត្បូងឃ្មុំ ដែលបានទទួលមរណ:ភាពក្នុងជន្មាយុ ៥៤ ឆ្នាំ ដោយរោគាពាធ កាលពីវេលាម៉ោង ១៥ និង ០០ នាទីរសៀល ថ្ងៃទី០១ ខែមករា ឆ្នាំ២០១៩ ។

សពរបស់លោកត្រូវបានក្រុមគ្រួសាររៀបចំធ្វើបុណ្យតាមប្រពៃណីព្រះពុទ្ធសាសនា នៅគេហដ្ឋាននៅភូមិទី១ សង្កាត់វាល់វង់ ក្រុងកំពង់ចាម ខេត្តកំពង់ចាម ។ ជាមួយនឹងការអញ្ជើញចូលរួបុណ្យទក្ខិណានុប្បទានគម្រប់ខួប៧ថ្ងៃ និងវិញ្ញាណក្ខ័ន្ធសពលោកអធិការរងទទួលផែនសេនាធិការ និងសហការី បាននាំមតិផ្តាំផ្ញើពីលោកអធិការជាសាររំលែកទុក្ខយ៉ាងអារម្មណ៍ក្រៀមក្រំ និងសោកស្តាយយ៉ាងខ្លាំងក្នុងការបាត់បង់នូវមន្ត្រីសកម្មម្នាក់ ដែលធ្លាប់បានបម្រើជាតិមាតុភូមិកន្លងមក រួចអុជធូបបួងសួងឧទ្ទិសទៅដល់វិញ្ញាណក្ខន្ធ ។

ស្ថិតក្នុងឱកាសនោះដែរ លោកវរសេនីយ៍ទោ អធិការរងបាននាំយកនូវថវិការបស់អធិការដ្ឋានគរបាលស្រុកមេមត់ និងនាយប៉ុស្តិ៍នគរបាលរដ្ឋបាលទាំង១៤ សរុបចំនួន២,០០០,០០០រៀល ប្រគល់ជូនគ្រួសារនៃសព ដើម្បីចាត់ចែងធ្វើបុណ្យតាមប្រពៃណីព្រះពុទ្ធសាសនា៕

• Tweet
• Share
• Share
• Share
• Share