លោក ហុង គឹមហឿន អធិការនគរបាលស្រុក ប្រាប់មន្ត្រីខ្លួន ត្រូវធ្វើអត្តសញ្ញាណប័ណ្ណ ឬសៀវភៅគ្រួសារឲ្យរហ័សជូនពលរដ្ឋ និងកុំពុករលួយ.......!
វរសេនីយ៍ឯក ហុង គឹមហឿន អធិការនគរបាលបាលស្រុកមេមត់ បានជំរុញឲ្យមន្ត្រីក្រោមឱវាទរបស់ខ្លួនផ្ដល់សេវាសាធារណៈប្រកបដោយភាពស្អាតស្អំ ដើម្បីធានាឲ្យបាននូវប្រសិទ្ធភាព ផលិតភាព គណនេយ្យភាព និងតម្លាភាព ជូនប្រជាពលរដ្ឋ ព្រោះក្នុងអាណត្តិទី៦នេះ រាជរដ្ឋាភិបាល បានដាក់ចេញយុទ្ធសាស្ត្រចំនួន៤ លើការងារអនុវត្តរបស់មន្ត្រីនគរបាលជាតិយើង ក្នុងនោះរួមមានការរកែទម្រង់ និងលើកម្ពស់ស្ថាប័ន ការពង្រឹងភាពស្អាតស្អំក្នុងរដ្ឋបាលសាធារណៈ ការពង្រឹងប្រសិទ្ធភាព នៃការអនុវត្តការងារ ការពង្រឹងអភិបាលកិច្ចលើវិស័យឯកជន ដើម្បីលើកម្ពស់គុណភាពសេវាសាធារណៈ ដល់ប្រជាពលរដ្ឋប្រកបដោយស្មារតីទទួលខុសត្រូវខ្ពស់ នៅក្នុងកិច្ចប្រជុំបូកសរុបការងារជំនាញប្រចាំខែ ធ្នូ ២០១៨ រវាងផែនជំនាញ និងប៉ុស្តិ៍នគរបាលរដ្ឋបាលទាំង១៤ កាលពីព្រឹកថ្ងៃទី២៨ ខែធ្នូ ឆ្នាំ២០១៨ ។
លោកអធិការបានឲ្យដឹងបន្ថែមទៀតថា ៖ ដើម្បីផ្ដល់សេវាសាធារណៈផ្សេងៗជួនដល់ប្រជាពលរដ្ឋប្រកបដោយប្រសិទ្ធភាពនោះ ចាំបាច់តម្រូវឲ្យមន្ត្រីនគរបាលជំនាញអត្តសញ្ញាណកម្ម និងកម្លាំងនគរបាលប៉ុស្តិ៍រដ្ឋបាលទាំងអស់ ត្រូវពង្រឹងបន្ថែមលើយន្តការតាមដាន និងការវាយតម្លៃការងាររបស់ខ្លួន ក្នុងការផ្ដល់សេវាជូនប្រជាពលរដ្ឋដូចជា ការផ្ដល់អត្តសញ្ញាណប័ណ្ណសញ្ជាតិខ្មែរ ការផ្ដល់សៀវភៅគ្រួសានិងសៀវភៅស្នាក់នៅ ប្រកបដោយប្រសិទ្ធភាពខ្ពស់ ដើម្បីបង្ការនិងទប់ស្កាត់អំពើអសកម្ម ដែលអាចកើតមានឡើងចំពោះប្រជាពលរដ្ឋ ក្នុងការធានារូបភាព និងភាពជឿរជាក់លើសេវាសាធារណៈ តាមរយៈការកសាងប្រព័ន្ធស្ថាប័នរដ្ឋប្រកបដោយចីរភាព ។
លោកអធិការស្រុកមេមត់គួសបញ្ជាក់ថា ៖ មន្ត្រីនគរបាលជំនាញ និងនគរបាលប៉ុស្តិ៍រដ្ឋបាលទាំង១៤ ត្រូវចុះពន្យល់ណែនាំដល់បងប្អូនប្រជាពលរដ្ឋឲ្យយល់អំពីបញ្ហាការផ្ដល់អត្តសញ្ញាណប័ណ្ណសញ្ជាតិខ្មែរ ការផ្ដល់សៀវភៅគ្រួសានិងសៀវភៅស្នាក់នៅ ព្រោះវាជាការរួមចំណែកនូវគោលនយោបាយយុទ្ធសាស្ត្រចតុកោណ និងបរិយាកាណ៍អភិបាលកិច្ចល្អ ទស្សនាទាន និងគោលការណ៍អភិបាលកិច្ចល្អ ភាពជាអ្នកដឹកនាំ ស្តង់ដារសេវាសាធារណៈ បទពិសោធន៍ ស្ដីពីតែមួយ ការអនុវត្តអភិបាលកិច្ចល្អនៅក្នុងការិយាល័យច្រកចេញចូលតែមួយ សុរិចភាព និងអភិបាលកិច្ចល្អ និង គោលនយោបាយយេនឌ័រ និងផែនការបញ្ជ្រាបយេនឌ័រក្នុងការផ្ដល់សេវាសាធារណៈ ៕
Post a Comment
0 comments
Dear readers, after reading the Content please ask for advice and to provide constructive feedback Please Write Relevant Comment with Polite Language.Your comments inspired me to continue blogging. Your opinion much more valuable to me. Thank you.