នគរបាលប៉ុស្តិ៍រដ្ឋបាលជាំក្រវៀន បានសហការជាមួយកម្លាំងប្រឆាំងបទល្មើសគ្រឿងញៀន ចុះអនុវត្តដីកាបង្គាប់ឲ្យខ្លួនជនសង្ស័យម្នាក់ជាប់ពីបទរក្សាទុក និងជួញដូរដោយខុសច្បាប់នូវសារធាតុញៀន .................!

កម្លាំងនគរបាលប៉ុស្តិ៍រដ្ឋបាលជាំក្រវៀន បានសហការជាមួយនឹងកម្លាំងជំនាញប្រឆាំងបទល្មើសគ្រឿងញៀន នៃអធិការដ្ឋាននគរបាលស្រុកមេមត់ ដើម្បីចុះអនុវត្តន៍ដីកាបង្គាប់ឲ្យចាប់ខ្លួនជនសង្ស័យម្នាក់ ជាប់ចោទពីបទរក្សាទុក និងជួញដូរដោយខុសច្បាប់នូវសារធាតុញៀន នៅចំណុចខ្ទមចាំចំការកៅស៊ូ ខាងកើតភូមិក្រវៀនធំ ឃុំជាំក្រវៀន ស្រុកមេមត់ ខេត្តត្បូឃ្មុំ តាមរយៈដីការបស់តុលាការខេត្តត្បូងឃ្មុំ ថ្ងៃទី ១៤ មករា ២០១៩ វេលាម៉ោង ១០ និង ៣៣ នាទី ។

ខណៈពេលកម្លាំងយើងបានចុះទៅដល់ចំណុចខាងលើបានឃើញជនសង្ស័យឈ្មោះ សេក មី ហៅមី ភេទប្រុស អាយុ ២៧ ឆ្នាំ ជាតិខ្មែរ រស់នៅភូមិដូង ឃុំជាំក្រវៀន ស្រុកមេមត់ ខេត្តត្បូងឃ្មុំ ជាមុខសញ្ញាមានឈ្មោះក្នុងដីកាបង្គាប់ឲ្យចាប់ខ្លួនលេខ ២៧ ចុះថ្ងៃទី ០៨ ខែ កុម្ភៈ ឆ្នាំ ២០១៨ របស់លោក សុខ​ លី ចៅក្រមស៊ើបសួរនៃសាលាដំបូងខេត្តត្បូងឃ្មុំ ជាប់ចោទពីបទរក្សាទុក និងជួញដូរដោយខុសច្បាប់នូវសារធាតុញៀន ដែលប្រព្រឹត្តនៅចំណុចភូមិពន្លាំ ឃុំជាំ ស្រុកមេមត់ ខេត្តត្បូងឃ្មុំ កាលពីថ្ងៃទី ០២ ខែ សីហា ឆ្នាំ ២០១៨ ។

ហើយក្នុងកិច្ចសហការនៃការអនុវត្តន៍ដីកាបង្គាប់ឲ្យចាប់ខ្លួនជនសង្ស័យនោះកម្លាំងយើងបានឃាត់ខ្លួនជនសង្ស័យម្នាក់ទៀតឈ្មោះ ស៊ីម ឌី ហៅខ្មៅ ភេទប្រុស អាយុ ២៨ ឆ្នាំ ជាតិខ្មែរ រស់នៅភូមិដូង ឃុំជាំក្រវៀន ស្រុកមេមត់ ខេត្តត្បូងឃ្មុំ ដែលកំពុងជ្រកនៅក្នុងខ្ទមចាំចំការកៅស៊ូខាងលើនោះ ដោយឆែកឆេររកឃើញម្សៅក្រាមសថ្លាសង្ស័យជាថ្នាំញៀនចំនួន ០៩ កញ្ចប់ និងឧបករណ៍ប្រើប្រាស់មួយចំនួន រួចបញ្ជូនមកអធិការដ្ឋាននគរបាលស្រុកមេមត់ ដើម្បីសាកសួរចម្លើយ ។

បច្ចុប្បុន្នជនសង្ស័យទាំងពី រួមទាំងវត្ថុតាងម្សៅក្រាមសថ្លាសង្ស័យជាថ្នាំញៀនចំនួន ០៩ កញ្ចប់ និងឧបករណ៍ប្រើប្រាស់មួយចំនួន ត្រូវបានកម្លាំងជំនាញសមត្ថកិច្ចយើងកសាងសំណុំរឿងតាមនីតិវិធីបញ្ជូនទៅអយ្យការអមសាលាដំបូងខេត្តត្បូងឃ្មុំចាត់ការតាមនិតិវិធីច្បាប់ ដោយយោងតាមចម្លើយសារភាព និងវត្ថុតាងដែលដកហូតចំពោះមុខ ៕

អត្ថបទ ៖ កូនដំរីស្រុក
រូបភាព ៖ សូរិយា០៩

• Tweet
• Share
• Share
• Share
• Share